زوامل بين مكرش واهل البيضاء

بواسطة **اماجل** في الجمعة يوليو 30, 2010 1:41 pm

وهذة القصايد من زوامل شارك فيها احمد عمر مكرش مع شعرا من قبائل محافظة البيضاء :
بعد احدث 13 يناير

مكرش:
مانا سلامي الاف كلن يسمعة
ردة بردة مثل سيقات المطر
من راس شاعر بين كمن دوسري
دي يخرجوا كردوس من بعد الخضر
والجيد يعجبك عندما حد يوصفة
ذي يعجبك لاهي حجر صكت حجر
لاتحكمه دوله ولايعشر لحد
يحمي نواحيها بباروت الخشر

الشاعر شيبان:
شيبان رحب بالوجوة الحاضره
ونتوا معيه رحبوا يامن حضر
حياء بضيف الله وبن مكرش معه
ذي بايوضح كيف كان المؤتمر
يامرحبا حيا بشاعر من عله
ذي ذكرها له شان في وقت العسر
رحبت من قلبي برميان السلب
والجيد صانه وبعدة من كل شر

الشيخ العامري من قبائل بنير:
حيا بكم يا ذي ولبتو مرحبا
يملي اروض الله ويملي وادية
حيا لبن مكرش وذي جونا معه
ذي جاء وصوله من قدا السوادية
حيا لكم ياذي وصلتوا مرحبا
ما صبح يدق الكادية بالكادية
قدنا قبايل من على زام النبي
حد مننا رامي وحد عوادية

الشاعر شيبان:

حيا لكم ياذي وصلتوا مرحبا
ياذي وصلتوا في السماء روادية
ياذي كسبتوا الخير في بندر عدن
واليوم فيه امجن ومشوادية

الشاعر محمد موسى العامري:

البنت فيها العيب ونتوا تعرفوا
مابا تزوجشي وهي مسحورها
بلت وجربتشوف كندر راسها
ياغارة الله مشوع الكندورها
واليوم ياراسي تذكر هاجسك
قسم على الشعار من شنطورها
ان كان بن مكرش من شناظير بري
لاهو دخل في عكره معذورها

الشاعر عبدالله محمد الحميقاني:

حيا بكم يا ذي ولبتوا مرحبا
يملي اروض الله ويازن كورها
ياذي تحجبها ولا هي راضية
وبليس يتهوك على قندورها

الشاعر محمد حسين الحداد الهياشي:

يامرحب حيا بشاعر من عله
ذي حطم المبنى وحطم سورها
ذي ولع الكبريت في بندر عدن
واليوم خلاها على دنشورها
بتخبره من ذي بدا في المعركة
يشرح مواقفها ويشرح دورها
والثانية يشرح خروجه من عدن
هوجا برجله او طلع بابورها
شف من دخل صنعاء تقنع من عدن
تمشي رجوله ةفي الشبك مزقورها
ذي سار في لول عمد في ذي لحق
ماباك تستعجل تقع مغرورها

جواب احمد عمرمكرش:الله يحي كل من حيا بنا
وسعدكم الله يا صباح النورها
من راس بداع العصيب الجاسرة
لا زال يده ماسك الحنجورها
ياذي تبا تعرف خروجي من عدن
ما شي معانا خط غير الكورها
شفنا خرجنا بعد تصفية الوصر
والدم مثل السيل في عاكورها
كلن صمد مسى معقل ركبته
والحرب يتوهجم على دافورها
والمدفعية في ربوع العاصمة
مثال الزلازل ما لها تقدورها
شليت ذي با وذي كنت احلمة
كمن مخير رجبته معصورها
والعدو سبيته وهو قد سبني
كلن يجبر عظمه المكسورها
ما بانعيش الدهر خارج ارضنا
مهما تدور ايامها وشهورها
ولايناير والكبيرة واصلة
والكل بايدفع على الكاهورها
صنعاء بلادي ونت لك بندر عدن
ماقلت شي لك منهامقصورها
والنسرلاقدجاع دخل موطنه
عند النهاية يؤكل العصفورها

بواسطة **اماجل** في الجمعة يوليو 30, 2010 10:03 pm

السلام عليكم ورحمة الله وبركاته
هذه الزوامل منزله في المنتدى من قبل
وناسف على تنزيلها
تقبلوا تحياتي اماجل

بواسطة **أحمد** في الجمعة يوليو 30, 2010 10:16 pm

رحم الله الشاعر وأسكنه فسيح جناته,

وتسلم لهذا النقل,

وواصل أخي اماجل حفظك الله ورعاك,

تقبل تقديري واحترامي

زوامل بين مكرش واهل البيضاء

زوامل بين مكرش واهل البيضاء

Re: زوامل بين مكرش واهل البيضاء

Re: زوامل بين مكرش واهل البيضاء

الموجودون الآن